واحد من أخواتي الصغيرين، دخل أوضتي عشان يناولني حاجة.
فخطرلي -بدون مقدمات- إني أسأله:
- تعرف مين صاحبة الصوت؟!
كنت أقصد الأغنية اللي أنا سايبها شغالة، فاستغرق ثواني عشان يحاول يميزه، بس منجحش، وقاللي في الآخر:
- لا معرفهاش.
كانت (فيروز) بالمناسبة.
فخطرلي -بدون مقدمات- إني أسأله:
- تعرف مين صاحبة الصوت؟!
كنت أقصد الأغنية اللي أنا سايبها شغالة، فاستغرق ثواني عشان يحاول يميزه، بس منجحش، وقاللي في الآخر:
- لا معرفهاش.
كانت (فيروز) بالمناسبة.
-
هنا فيه #سؤال_وجودي بيطرح نفسه:
- تصوروا -فعلًا- لو استبعدنا الناس العميقة، اللي اتحولت فيروز بالنسبة ليهم لـ (تريند)، وجينا نبص -بالتحديد- الأقاليم، وعلى الأوساط الشعبية في العاصمة ذاتها.
بالفعل، مفيش ناس كتير منهم تعرف: مين (فيروز) أساسًا؟
أنا شخصيًا -وأرجو محدش يضحك- فضلت سنين طويلة كل لما أسمع اسمها، افتكرها (فيروز) بتاعة أفلام (أنور وجدي) القديمة؟!
طب أقولكم على حاجة تانية:
- ناس كتير من اللي بيسمعوا (فيروز)، كام في المية منهم شافوا مسرحياتهم.
أنا شخصيًا مشفتش غير أجزاء من مسرحية واحدة (يعني مش كاملة حتى)، فاتصدمت لما اكتشفت إن الأغاني المشهورة اللى بحبها، ما هي إلا أجزاء من المسرحيات دي.
ساعتها بس، فهمت سبب وسياق الكلمات، اللي كانت غامضة عليا قبل كدا.
-
سؤال تاني، شايف إن هوا الأصوب :
- وهيا الناس العادية هتعرف (فيرو) إزاي؟
حد فيكم كان بيقلب على قناة في الدش، فلقى واحدة فيهم مشغلة (فيروز)؟!
هل ممكن يكون السبب في الإعلام؟!
نفس الكلام ينطبق على (وديع الصافي)، أنا شخصيًا قضيت طول طفولتي والسنين الأولى من العشرينات، مسمعتش ليه في التلفزيون غير أغنية (عظيمة يا مصر).
(صباح فخري)، ذكرياتي عنه مشوشة جدًا، فاكر كويس الصوت الجبار اللى يقول (يا مال الشام)، وفرحت بالصدفة لما تعثرت فيه من كام شهر، وعرفت إن اسمه (صباح فخري).
بس إزاي الإعلام؟
مهوا الخليج عنده فضائيات وإمكانيات جبارة، ومع ذلك، جرب تسأل طلبة الجامعة، أو سواقين التاكسي عن (طلال مداح) و(عبادي جوهر)؟!
-
في الأغلب، مأظنش إن السبب -برده- يتعلق بانغلاق مصر على ذاتها، لأن نفس التواجد الباهت في الذاكرة الشعبية، بينال كتير أوي من الفنانين المصريين ذاتهم:
- أحيانًا بيكون بسبب تعتيم متعمد، لأسباب سياسية، زي (الشيخ إمام) و(الفاجومي)، اللي عمري مسمعت حد زمااااان بيجيب سيرتهم أساسًا أيام القناة الأولى والتانية، وكأنهم (عدم).
- وأحيانًا بيكون غير متعمد، لأننا في مصر أساسًا، مرفعناش حد لمصاف الأيقونة، غير (أم كلثوم) في الجيل القديم، و(عبد الحليم) في يليه.
والبقية لولا أنهم ظهروا في أفلام، مكناش هنفتكرهم في الأغلب.
هنا فيه #سؤال_وجودي بيطرح نفسه:
- تصوروا -فعلًا- لو استبعدنا الناس العميقة، اللي اتحولت فيروز بالنسبة ليهم لـ (تريند)، وجينا نبص -بالتحديد- الأقاليم، وعلى الأوساط الشعبية في العاصمة ذاتها.
بالفعل، مفيش ناس كتير منهم تعرف: مين (فيروز) أساسًا؟
أنا شخصيًا -وأرجو محدش يضحك- فضلت سنين طويلة كل لما أسمع اسمها، افتكرها (فيروز) بتاعة أفلام (أنور وجدي) القديمة؟!
طب أقولكم على حاجة تانية:
- ناس كتير من اللي بيسمعوا (فيروز)، كام في المية منهم شافوا مسرحياتهم.
أنا شخصيًا مشفتش غير أجزاء من مسرحية واحدة (يعني مش كاملة حتى)، فاتصدمت لما اكتشفت إن الأغاني المشهورة اللى بحبها، ما هي إلا أجزاء من المسرحيات دي.
ساعتها بس، فهمت سبب وسياق الكلمات، اللي كانت غامضة عليا قبل كدا.
-
سؤال تاني، شايف إن هوا الأصوب :
- وهيا الناس العادية هتعرف (فيرو) إزاي؟
حد فيكم كان بيقلب على قناة في الدش، فلقى واحدة فيهم مشغلة (فيروز)؟!
هل ممكن يكون السبب في الإعلام؟!
نفس الكلام ينطبق على (وديع الصافي)، أنا شخصيًا قضيت طول طفولتي والسنين الأولى من العشرينات، مسمعتش ليه في التلفزيون غير أغنية (عظيمة يا مصر).
(صباح فخري)، ذكرياتي عنه مشوشة جدًا، فاكر كويس الصوت الجبار اللى يقول (يا مال الشام)، وفرحت بالصدفة لما تعثرت فيه من كام شهر، وعرفت إن اسمه (صباح فخري).
بس إزاي الإعلام؟
مهوا الخليج عنده فضائيات وإمكانيات جبارة، ومع ذلك، جرب تسأل طلبة الجامعة، أو سواقين التاكسي عن (طلال مداح) و(عبادي جوهر)؟!
-
في الأغلب، مأظنش إن السبب -برده- يتعلق بانغلاق مصر على ذاتها، لأن نفس التواجد الباهت في الذاكرة الشعبية، بينال كتير أوي من الفنانين المصريين ذاتهم:
- أحيانًا بيكون بسبب تعتيم متعمد، لأسباب سياسية، زي (الشيخ إمام) و(الفاجومي)، اللي عمري مسمعت حد زمااااان بيجيب سيرتهم أساسًا أيام القناة الأولى والتانية، وكأنهم (عدم).
- وأحيانًا بيكون غير متعمد، لأننا في مصر أساسًا، مرفعناش حد لمصاف الأيقونة، غير (أم كلثوم) في الجيل القديم، و(عبد الحليم) في يليه.
والبقية لولا أنهم ظهروا في أفلام، مكناش هنفتكرهم في الأغلب.
ليست هناك تعليقات:
إرسال تعليق