الثلاثاء، 1 نوفمبر 2016

على هامش عمل برامج يوتيوبية بالموبايل

خلال اليومين اللى فاتوا.. دخلت فى مناقشات طويلة مع متخصصين في الفيديو، وسألتهم عن  رأيهم تجربة عمل فيديوهات بالموبايل. 
أولا: قالولى ان الموفى ميكر برنامج بدائي جدًا للمونتاج.
ثانيًا: مفيش مشكلة لو كاميرا الموبايل كويسة، تقدر تعمل بيها حاجات مقبولة إلى حد كبير، بس مهم تستعمل حامل للتثبيت.
ثالثًا: من المتعارف عليه بالنسبة للمحترفين إن العين بتتعود علي عيوب الصورة، إنما الودن لأ، علشان كده مفتاح نجاح أي فيديو؛ إن الصوت يكون رايق قابل للاستخدام. 
ودا الخطأ اللي بيقع فيه الهواة.
رابعًا: امبارح دار حوار بينى وبين زميلة عندها شغف بالحاجات دى، قالتلى نصًا: 
- لو عايز برنامج كمبيوتر للمونتاج، فيه واحد سهل اوي اسمه adope videoeditor. له نسخة trial لمدة شهر جرب فيها كده، لو مشا معاك بعد شهر تقدر تلقى الكراك بتاعه وتكمل بيه.
أما برنامج Sony Vegas فده اللي بيعملوا بيه الخدع ف الأفلام، له نسخة trial بردو لو عاوز بقا تقص ثواني بس من الفيديو من الثانية كذا ل ثانية كذا، كمان فيه ابلكيشن هو سهل اوي علي الموب بتقص لقطات فقط كمونتاج.. 
 
الصديقة بتأكدلى إنهم سهلين جدًا كلهم، سواء أدوبى أو أبليكشنز الموبايل. 
المسألة دى هتجننى، طالما المسائل كلها سهلة كدا، أومال احنا بائسين ومكسلين ليه؟ ومفكرناش ناخد الخطوة دى قبل كدا؟
=
تعقيب (طارق عزت):
*
طيب ، ف الحقيقه انا ما اعرفكش ولكن اسمحلي هضيف للنصائح اللي اتقاللك واصحح أسامي بعض البرامج ككتابة وفئة استخدام وهيبقى ردي على هيئة نقاط بترد على المعلومات المعروضة:
- لو عاوز تحسن جودة الصوت وانت بتصور فعليك الاعتماد على ميكروفون خارجي بعيد عن ميكروفون الكاميرا أو الموبايل ، وعادة بيتم الاستعانه بالميكروفون المعلق أو اللي بيسموه (لاف مايك ) ومعظم مايكات النوع ده متوافقه مع الكاميرات ولكن هتواجه مشكله لو عاوز توصل المايكات دي على الموبايل لأنها غير متوافقه وبتحتاج اما توصيلة تحويل واسمها trrs او مايك مخصص للتوصيل على الموبايلات وإقتراحي لك هو مايك boya by m1 وتمنه في مصر 250 جنيه.
- حامل التثبيت مهم جدا وفيه انواع رخيصه تحت ال 200 جنيه ولكن المشكله هو تثبيت الموبايل على الحامل ، ممكن تستعين بالقطعه العلويه اللي بتمسك الموبايل في السيلفي ستيك وتخلعها وتركبها في حامل الكاميرا وتثبت جواها الموبايل.

برامج المونتاج على الكمبيوتر خاصة نظام ويندوز بالفعل كتيره جدا ، وابرز البرامج دي هو adobe premiere pro cc 2015.3.
- وهو على عكس ما قيل لك مقارنة بالسوني فيجاس ، السوني فيجاس اقل منه في القدره ولكن ميزته انه اسهل في التعلم.
- وممكن تمنتج على الموبايل وواحد من افضل برامج المونتاج على الموبايل لقرب الواجهه بتاعته لبرامج مونتاج الويندوز هو برنامج power director.
ولو محتاج برنامج كاميرا يديك امكانيات تحكم افضل من برنامج الكاميرا المدمج مع الموبايل فأنا ارشح برنامج cinema fv5.
  



ليست هناك تعليقات:

إرسال تعليق

المشاركات الشائعة

"