- زى الكومبارس فى السيما، مهوا كمان ممكن يتضرب، وبرده بيبقى عشان أكل العيش.
البياع قال الجملة دى، ما خلصوه بالعافية من ايدين بياعين زمايله عجنوه ضرب.
اللى خلانا نتأخر فى تخليصه، أن اللى ضربوه كانوا بيزعقوا بـ (حرامى)، فقالنا يستاهل، اتضح فى الآخر ان ميسرقش من حد حاجة، الفكرة انهم مقسمينها مناطق، وبيعتبروه بيسرح فى منطقتهم.
شباب جميل خلصوه، وقعدوه وسطيهم، يشكروا إنهم خلصوه، بس المشكلة إن الظرف المصرى اشتغل، وعملوا عليه حفلة.
- أيوة، احنا عارفين إنك كوى، مش دعيف.
- وايه أخبار الباطنية؟
بيقولوا كدا عشان طول ما هو بيتضرب كان بيكرر (على فكرة أنا قوى، مش دعيف، بس انت راجل كبير مش هعملك حاجة)، بالإضافة لجملة (طب خلى بالك أنا من الباطنية).
وعند الجملة الأخيرة دى بالذات كانوا بيسبوا للباطنية، ويضربوه زيادة.
اتخنقت من كمية الحفلة، لما حطيت نفسى مكانه لقيت ان الضرب مش هيموتنى بالتأكيد، لكن التريقة على حد فى حالة هشة زى كدا، هيا اللى ممكن تموت.
الشباب قالولى إنهم بيهزروا، وفهمت معنى جملة (why you so serious)، لما لقيته هوا نفسه واخد الموضوع ببساطة، وبيقول إن اللى مضايقه بس أن التوستة بتاعة الجاكت اللى اتقطعت فى الخناقة.
وإن علبتين سجاير من اللى بيبعهم، اتكرمشوا، بس هعرف أبيعهم برده، مفيش مشكلة.
- why you so serious!
البياع قال الجملة دى، ما خلصوه بالعافية من ايدين بياعين زمايله عجنوه ضرب.
اللى خلانا نتأخر فى تخليصه، أن اللى ضربوه كانوا بيزعقوا بـ (حرامى)، فقالنا يستاهل، اتضح فى الآخر ان ميسرقش من حد حاجة، الفكرة انهم مقسمينها مناطق، وبيعتبروه بيسرح فى منطقتهم.
شباب جميل خلصوه، وقعدوه وسطيهم، يشكروا إنهم خلصوه، بس المشكلة إن الظرف المصرى اشتغل، وعملوا عليه حفلة.
- أيوة، احنا عارفين إنك كوى، مش دعيف.
- وايه أخبار الباطنية؟
بيقولوا كدا عشان طول ما هو بيتضرب كان بيكرر (على فكرة أنا قوى، مش دعيف، بس انت راجل كبير مش هعملك حاجة)، بالإضافة لجملة (طب خلى بالك أنا من الباطنية).
وعند الجملة الأخيرة دى بالذات كانوا بيسبوا للباطنية، ويضربوه زيادة.
اتخنقت من كمية الحفلة، لما حطيت نفسى مكانه لقيت ان الضرب مش هيموتنى بالتأكيد، لكن التريقة على حد فى حالة هشة زى كدا، هيا اللى ممكن تموت.
الشباب قالولى إنهم بيهزروا، وفهمت معنى جملة (why you so serious)، لما لقيته هوا نفسه واخد الموضوع ببساطة، وبيقول إن اللى مضايقه بس أن التوستة بتاعة الجاكت اللى اتقطعت فى الخناقة.
وإن علبتين سجاير من اللى بيبعهم، اتكرمشوا، بس هعرف أبيعهم برده، مفيش مشكلة.
- why you so serious!
ليست هناك تعليقات:
إرسال تعليق