الأربعاء، 29 يوليو، 2015

مدونة (تبًا)

- يا أخى نفسى تبطل مقاوحة بقى!!!
- يا سلااااااااام..شوف مين اللى بيتكلم؟؟! مش أنت بتاع مبدأ (انصت جيدًا لكل الأراء، وفى الآخر برده مشى اللى فى دماغك).
- احم.. لحظة.. انت كدا بتغير الموضوع.
- دا هوا نفس الموضوع، فكرنى كدا بمرة واحدة حصل العكس، مرة فيها لفتنا نظرك لحاجة فى شغلك الأدبى عمومًا، ونفذتها، شاورلى على مرة واحدة بس يا مؤمن.
- ‫#‏صوت_صرصور_الحقل‬
- مش قلتلك.
- أأ.. لحظة، أنت مش قلت مرة واحدة بس، هفحمك أنا بقى، فاكر المدونة بتاعتى، كنت عملتها فى فترة قافش فيها على كل حاجة، فسميتها بطبيعة الحال: (تبًا)، صديقة عزيزة لفتت نظرى أن دا مش لطيف، ويا ريت لو أحاول أغير الاسم.
نظرًا لأنها صديقة بحترمها قوى، كانت مرة من المرات النادرة اللى أتزحزح عن رأيى، فى مقابل رأى آخر.
- لا مش فاكر، أنت عارف أنى مفاكس لموضوع المدونات دا، فمش متابع، المهم، مقلتليش، سميتها اييه بعدها بقى؟!
- سُحقًا.

ليست هناك تعليقات:

إرسال تعليق

المشاركات الشائعة

"